shoir.uz

E-mail Босма PDF

Йўқотдим қўл телефонимни

 

Йўқотиб қўйдим қўл

телефонимни

Бир зумда дилимни босди ҳавотир

Гўё кимдир билмай турган жойимни

Мени ташвиш билан ахтараётир.

Қўрқувга тушаман,

юракда хатар

Хаста эди онам.. кексайган онам

Наҳот телефонда

ахтармоқдалар

Хабар бермоқ учун,

тезда менга ҳам.

Йўқ-йўқ мумкин эмас,бари бекор гап

Дейман: - Онам ҳали тетик,

соғ омон

Ногоҳ титроқ босар, хотиним йиғлаб

Гўё изламоқда қайдадир сарсон

Бир гап бўлдимикан болаларимга

Қай бири йиқилиб тушганмикан ё,

Қайта-қайта терар

рақамларимга

Мен эса турибман,

билмай бепарво.

Кимлардир қилмоқда гўё қўнғироқ

Кимдир тўй қилмоқда,

ё кимдир ўлган

Мен-чи жим турибман.

Оламда бироқ

Қайгадир ўт кетган,

нимадир бўлган.

Лим-лим тўлиб борар сабрим косаси

Ўзимни қўярга жой тополмайман.

Телефон йўқ пайтлар одам боласи

Қандай яшаганин тушунолмайман.

Телефонда эди қанча рақамлар

Хатлар, суратлар-у,

тўй лавҳалари

Суҳбатдош дўстлар-у,

ҳамкасб одамлар,

Бирла кечган умр саҳифалари

Барини йўқотдим телефонимни

Кимдир, қаердандир

топиб олгандир

Ўчириб сим карта,

ҳамда номимни

Балки чўнтагига хушнуд солгандир.

Бировнинг ҳаёти бировлар учун

Сариқ чақачалик балки қадри йўқ

Ҳатто биров ўлса, бировлар мамнун

Баъзан туришади, ҳиссиз,

кўнгли тўқ.

Қанча хотира-ю, кўнгил иплари

Муҳаббат риштаси узилар хор- зор.

Кимнидир умиди, интилганлари

Асраб жон тиккани, узилар – дийдор.

Майли, мен айрилдим севган нарсамдан

Мол дунё топилар, жон бўлса омон

Аммо ҳаёт билан бизни боғлаган

Севганларни йўқотмайлик ҳеч қачон.

Муҳаммад ИСМОИЛ

 

Мен эса турибман,mso-ascii-font-family:

Савол беринг


Ҳимоя коди Янгилаш

Бизнинг баннер

Электрон манзилимиз

muhammad_ismoil@mail.ru